Aliefmedia.co.id – Suasana kegembiraan jamaah Nurul Yaqin Buntulu Desa Kampala kecamatan Arungkeke kabupaten Jeneponto,karena mereka masih mendapati kesempatan untuk melakukan sholat idul Adha.
Sambutan Bupati Jeneponto dibacakan oleh Rustam Lili (Kasi Pemdes Kampala ) yang intinya adalah sebagai berikut,
“Bupati Jeneponto, H. Paris Yasir, mengajak seluruh hadirin untuk meneladani keikhlasan Nabi Ibrahim AS dan Nabi Ismail AS dalam berkurban.
Ia menekankan bahwa Idul Adha bukan hanya tentang penyembelihan hewan, tetapi juga tentang kesediaan mengorbankan kepentingan pribadi demi meraih rida Allah dan kebaikan sesama.
Beliau juga menyerukan peningkatan kepedulian sosial, berbagi, dan mempererat tali silaturahmi.
Bupati berharap semangat Idul Adha memperkuat persatuan, menciptakan harmoni, serta membangun Jeneponto yang lebih maju.
Tak hanya itu kata Bupati, kebersihan lingkungan juga menjadi skala prioritas dalam membangun Jeneponto yang bersih,indah dan nyaman,menuju Jeneponto Bahagiah.”
Sementara itu, Ustad And.Rahman yang bertindak selaku Imam Khotib di Masjid Nurul Yaqin Buntulu Desa Kampala kecamatan Arungkeke kabupaten Jeneponto Sulawesi Selatan.
Allahu Akbar 3x Walillahil Hamdu. Seuntai tasbih, sepercik alunan kalimat Laa Ilaha Illallah kita haturkan kehadirat Allah SWT, Tuhan penguasa tunggal seantero jagat raya ini, gema asma-Nya yang agung meresap cinta dan rindu dalam hati yang tawadhu, menguatkan iman, serta meneguhkan sifat istiqamah dari seorang hamba.
Dan disaat kesyahduan hati yang mubarakah ini, teringat kita dengan nama seorang pribadi mulia yang penuh kharismatik, Baginda Rasulullah Muhammad SAW, contoh tauladan bagi ummat manusia, “Minadhzulumaati ilannur,” terekam kembali jasa dan perjuangan nya dalam menabur mutiara hidayah di atas reruntuhan puing-puing kejahiliaan menuju Rahmatan Lil’ Aalamiin.
Dalam nuansa kedamaian saat ini, kipahammi baji-baji apa tujuan kaniakkanta ri tompo’na anne linoa, kipina’na’mi naki nawa-nawa, riwaktu ajjappa-jappata, ammempo- mempota, bahkan riwaktu attinro-tinrota, sampai tertutupnya layar panggung kehidupan ini, dasi- nadasi kaniakkanta anne rilino angngerangi kasalamakkang, baji rilinota labbi payya akhiratta.
Maemaki naki pina’naki khutbayya anne, naki massing ampahangi matu-matunna tallasatta dengan mengusung tema : ” MEMBANGUN INSAN YANG SABAR MELALUI HIKMAH IDUL QURBAN”
Napakasingaraki pangngulunta Al Imamul Gazali, ilalang se’rea passala’ angkanayya, punna naikki ri bontoa, naki battumo nai rilappara’na, kalebbakanna pasti ammoterekki naungmae ritampatta. Sebaliknya punna naungki ri se’rea ta’bing, naki battumo naung rilappara’na kalebbakanna sadiaki ammotere naik pole ritampatta.
Kammami anjo batena Allah Ta’ala napajjariangki anne tallasatta, lebba’ napabbali-baliang memang, napassi cocok-cocokang memang, napassitongko- tongkokang memang, bahkan lebba napa’rurung-rurungang memang, singara napabbaliang sassang, allo napabbaliang bangngi, baji balinna kodi, sannang balinna susah, bahkan napajjari Allah Ta’ala suruga napabbaliang naraka.
Parallui nipahang kaum muslimin angkanayya iya ngasenna anne tallasatta adalah ujian. Antu bulaenga, kajjalaki ballinna punna lebbaki niuji angkana anne bulaeng murni 24 karat, tapi punna taena ni uji bulaenga, raguki amballi, mallakki ambayaraki, kana-kanai atinta, si’raka bulaeng palsu.
Kammami anne tallasatta, hidup ini adalah ujian, jabatan adalah ujian, kaya dan miskin adalah ujian, bahagia derita adalah ujian. Antu anak-anak pasikolata, tak mungkin dinyata kan lulus kalau tidak melalui ujian, na antu ujianga battalaki eranna. Mingka punna lulusukki ri ujian, empoang
salewangang siagang salama pabbalasa’na. Narampei Allah SWT, ilalang QS. al-Ankabuut ayat 1-4 angkanayya:
“Dengan menyebut Nama Allah Yang Maha pemurah lagi Mabapenyayang.”
اله أَحَسِبَ النَّاسُ أَن يُتْرَكُوا أَن يَقُولُوا ءَامَنَا وَهُمْ لَا يُفْتَنُونَ وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَذِبِينَ أَمْ حَسِبَ الَّذِينَ يَعْمَلُونَ السَّيِّئَاتِ أَن يَسْبِقُونَا ساء مَا يَحْكُمُونَ )
Battuanna: Alif Lam Mim. Apakah rupa taua na-ani kalenna angkana tappaka ri Allah Ta’ala, nataenamo nicobai ri Allah Taala. Sitojeng-tojengna nakana Allah Ta’ala le’ba’ ku ujimi tau rioloannı, sitojeng-tojengna Allah Ta’ala na’assengi tau annabayya siagang na’asseng tongi tau a’bura-burayya, iareka tau anggaukanga gau’ kakodiang, na-areki kapang taena nalangguppa passessaku, ma’nassa cilakami tau kammayya anjo.
Anne alloa, allo lompo, allo mala’biri, allo passibuntulannai ummat islamnga, allo passibajikannai tau sisalaya, allo paggilinnai tau a’lampayya, pa’rannu-rannunai tau manakkuka, pamma roinna tau angngarruka, pa’ballenai tau garringa, sehingga tenamo na’bate dudu terea tau kalumanynyang terea tau kasi-asi, terea pejabat terea rakyat biasa, mereka berdiri sama tinggi, ruku’ sama rata, duduk sama rendah, sambil mengucapkan kalimat takbir, tahlil dan tahmid.
Anne alloa ruai kajariang malabbiri’ parallu untuk niu’rangi sebagai rangkaian pelaksanaan pa’lappassang pakkorobangang.
Uru-Uruna, A’juta-jutai ummat Islamnga dari berbagai penjuru dunia a’rurungang ambattui paranga, masigika, iyareka mushallayya, anggaukang sambayang pa’lappassang pakkorobangang, appakatuna kale anynyomba ri karaeng mappajjaria, nasaba tappa siagang malla’ simata.
Naiya kalabbiranna sambayang pa’lappas sang pakkorobanganga anne, nakana nabitta Muhammad saw, orang yang melaksanakan shalat Idul Adha dengan ikhlas akan mendapatkan pahala seperti pahala orang yang berkurban 70 ekor unta, sekaligus penghapus segala dosa-dosa kecilnya.
Shalat Idul Adha juga merupakan simbol mempererat hubungan silaturrahim diantara kita. Se’re kana nijulu, se’re parenta nipassamaturuki, enteng si entengang, empo si empoang, sipasalama sipappala doangngang. riwaktu ni kanana, Assalamu Alaikum warahmatullahi Wabarakatuh; Battuanna, Dasi nadasi nakipara salama’, nakamaseang, para napabarakkakki Allah Ta’ala.
Lanri kammanami anjo, paralluki sikatutui, sipakalabbiri, nani paenteng passamaturu kanta. Punna bajiki passari’battanganta, ringangi jamang battalatta, berat sama dipikul ringan sama dijinjing, kaluarayyamo cini nakullei na angkat katimbanga antama’ ri ru’munna, nasaba naborongi naengka napappacinikang passamaturukanna, lanri kammanami anjo, bajiki kutadeng punna para niassengi kalea, naki pattuju ri tujuanna.
Ikatte pammarentayya, akkanaki kareng, nani pinawang tappu’ bicarata. Ikatte antu jarung pattoddokki, masyarakatta bannang panjai’na.
Ikatte, tupanritayya, ulama, muballig, ustadzka, kipakasingaraki bicaranna agamayya, naporo niassengi nipassisa’la baji kodia, kitannangi kalenta sebagai carammeng, nanatiroki ummat tau jaiya.
Ikatte padangganga, pengusaha, saudagar tau kalumanynyanga, sempoki a’jonjo, ambantui tau tuna kasi-asia, punna sempoki assidakka, semakin lammoroki dalletta, bahkan disaat tiga orang ini, merasa berhak pertama masuk syurga dihari kiamat nanti, ternyata Allah memilih saudagar yang pemurah yang pertama masuk syurga.
Ikatte masyarakat tau jaiya, appina’ namaki naki amminawang ri pammarentata. Punna ajjulu kanai pammarentata, ulama, para saudagar yang pemurah, siagang masyarakat tau jaiya, amammi antu daerata, salama’mi antu bangsa siagang agamata, simburu’ tommi antu tallasatta.
Anne kamma pammarentata, 99 hari kerja Bupati dan wakil Bupati Jeneponto, telah meraih predikat WTP (wajar tanpa pengecualian) karena peran penting kita semua para pejabat publik mendukung penuh program pemerintah.
Maemaki naki a’manang-manang anjagai areng baji’na anne daerata, boyami dalletta sijai-jaina, mingka punna tena nahallala kabattuanna, teamakki allei, jai bahayana, lompoi pammanrakinna, dosaki rialla ta’ala, kipanraki arenna daerata, tunai keluargata, khususna tuna tongi areng bajitta ri masyarakat tau jaiya.
Maka rua kajariang malabbiri anne allowa, ammotereki niu’rangi se’re peristiwa lebbaka akkajariang ri pangngulunna Nabiyullah Ibrahim. Khalilullah tau ningaina Allah Swt.
Anjo Nabi Ibrahim, tau jai barang-barangna, kalumanynyang nabaji ampe-ampena mange riparanna rupa tau, Nabi Ibrahim lebbaki anynyamballe 300 kayyunna unta, siagang 1000 kayunna bembe, sanggenna niujimi rimalaikat niaka rilangika, nani puji tommo riparana rupa tau, luar biasa Nabi Ibrahim.
Namakkanamo Nabi Ibrahim: “teami angkana barang-barang pakkalumany nyangngang, andaikata Allah Ta’ala nasarea anak, nanasuro kurbang, ma’nassa anakku ku kurbang todong untuk anturuki parentanna Allah Ta’ala.”. Allo bangngi Nabi Ibrahim dari minggu ke bulan, dari bulan ke tahun.
Bahkan dari tahun ke tahun, tetapki a’nganro-nganro ri Allah Ta’ala sollanna nisarei anak soleh, nasaba sulo siagang singara ilalang ballatta antu adalah anak yang soleh solehah.
رب هب لي من الصالحين
Battuanna; E, karaengku Allah Ta’ala, kisarelaloa anak tau shaleh
Gayung bersambut kata terjawab, harapan, cita-cita dan impian terkabul, natarimami Allah Ta’ala pappala’na Nabi Ibrahim, nisare anak nikana Ismail, anak saleh anak turu ritau toa, anak apparannu-rannu.
Riwattunnamo akkale rungka Ismail, battumi passingara’na Allah Ta’ala. nipacinikammi ilalang so’na Nabi Ibrahim angkana oh.. Ibrahim pa’rupami tinja’nu, samballe kurubangmi anaknu. Ambaungmi Nabi Ibrahim ri tinrona, nabattui anakna Ismail, nasapu ulunna, napurusu bokona,
ترى يبني إلى أرى في المنام أني أَذْبَحُكَ فَانظُرْ ماذا
Battuanna: oh anakku Ismail sitojeng-tojenna anak, kucinikko ilalang tinroku, naparentanga Allah Ta’ala assamballeko angkorobangko, antekamma panggappanu
Tenapa nalappasa’ kananna Ibrahim, nabaunganmi ulunna Ismail, natangara manggena, nappiwali angkana;
قَالَ يَابَتِ افْعَلْ مَا تُؤْمَرُ سَتَجِدُنِي إِن شَاءَ اللهُ مِنَ الصَّبِرِي :
Nakanamo Ismail O manggeko kigaukangi la napassuroanga Allah Ta’ala rikatte, Insya Allah nia ja sallang ilalang golonganna tau sa baraka.
Nakanami Ismail ri manggena, oh.. manggeku, pela’mi passa gata, buangmi pangngainta ri nakke, inakke kunia kaikatte passabakkang, ki gaukangmi kikaerokia, kijamami kiminasaia, naiyannajia, rioloang takigaukanna, nappasanga ri katte angkanayya:
O manggeku, rioloang tangki samballeku kisikkoki ruayya limangku siagang ruayya bangkengku, aggioka sallang, napa’risi atinta natena nasukku pakkorobangta.
O Manggeku, riolo tangki samballeku, kilappaki limanna bajuta, naracciki sallang cera’ nanaciniki ammaku ri balla narera atinna rinakke.
O Manggeku, erangnganga bajungku mange ri ammakku, nanapare pammole nakku, pammuno simpung, naraka’ nabau rapang kalengku punna niaka na itung.
O Manggeku, kipabattuanga sallang nakkukku ri ammakku sebagai passambe kalengku, nasaba tenapa nalebba’ kubalasa jasa-jasana nabattumo pakkio na Allah Ta’ala.
Le’baki pappasangna Ismail, nabeso’mi bassia Ibrahim ri kallonna anakna, mingka ilalang pangngamaseanna Allah Ta’ala, naungmi malaikaka nisuro ri Allah Ta’ala ansambei kibasa battu ri suruga, nasalama’mo Ismail.
Narampei Allah Ta’ala ilalang QS. Ash-Shafat ayat 107: وَفَدَيْنَهُ بِذِبْحٍ عَظِيمٍ
Battuanna: apaji nakusambei antu ismail siagang kibasa lompo
Battu ri sejarayya anne, angngallemaki se’re pappilajarang lompo angkana sanna’ penting siagang labbiri’na nikanayya akkorobang, naiyannajia punna akkorobangki, untuk bageanna tau kasi-asia siagang pakkere miskinga.
Biasa lebbaki akkajariang, nia’ tau akkurubang, mingka iya tonji angngallei dagingna, labbinnapa napajonjo ritau kasi-asia, paranna tau kalumannyang, sisukku-sukku’na kurubangta punna ta’rapiki mange ri tau kasi-asia siagang pakkere miskinga.
Narampei Na’bitta Muhammad SAW, kala’biranna nikanayya akkorobang. angkana:
“Pakolompoi korobannu ke’nang, nasaba sitojeng-tojenna antu korobanga napalappasaki salla ri tetena shiratal mustaqim, assingkamma kila ta’bebe’ tettere’na battu anta’leang”
Matu-matunna akkurubanga angngimbolongi pappilajarang lompo angkana punna erokki anggappai bajika, maka perlu pengorbanan, punna kikellai tangkasa kamponta, lingkunganta, desata, bahkan tangkasa kota butta turatea, assama-samaki pa’niaki kesadaranta, paentengi siritta, korbangkan dan tinggalkan kebiasaan buruk, jangan membuang sampah disembarang tempat,
teaki eroki nataba kananna anak mudayya; se’re waktu sitau pemotor membuang sampah dijalanan. Akkuta’nammi anak mudayya, angkana, pak… angngapa nanrinni ri jalananga kipela sampata, nakana pamotorka, bajiki punna berwarna-warnai nicini jalananga, nakana anak mudayya punna pale kamma antu, erammi ammotere sampata pela ri ballatta, supaya bajiki nicini’ berwarna-warni ballatta.
Cinta terhadap lingkungan adalah kewajiban setiap muslim, oleh karena îtu, ma’nassa a’jari kewajiban mange ri katte ngaseng untuk anjagai kelestarian lingkunganta, salah satu cara untuk anjagai kelestarian lingkunganta iyamiantu kijagai katangkasanna.
Nijagai katangkasanna kamponta akkulle nipakaramulai battu ri masalah paling ca’diya kammayami nipelaki sampahta ri tampa’na.
Dalam Islam, menjaga lingkungan adalah bagian tak terpisahkan dari iman dan tanggung jawab sebagai manusia di bumi. Al-Qur’an dan Sunnah Nabi Muhammad SAW memberikan berbagai ajaran dan perintah mengenai pelestarian lingkungan, mulai dari menolak kerusakan di bumi, menjaga kebersihan, hingga menghargai seluruh makhluk hidup, Allah berfirman dalam QS Al A’raf ayat 56
“Janganlah kamu berbuat kerusakan di bumi, setelah diatur dengan baik,”
Artinya: “Janganlah kamu berbuat kerusakan di bumi setelah diatur dengan baik…”
Jeneponto, lompo siri lantang pacce, mempunyai sejarah masa silam yang punya andil terhadap kemajuan bangsa ini, Lompo siri dalam arti positif, bukan bossongang pa’larrowang, pa’bam bangang, tetapi pa’bambangan nacaradde’, pa’bambangan dalam arti semangat yang dinamis punya nilai juang yang paripurna untuk membangun daerahnya sendiri.
Teaki gesarri kontu tojengta, teaki tumbangngi bata-batata, paentengi passamaturukanga untuk ambangungi daerata utamanya di bagian kebersihan.
Kamma pannongko ri khutbahya anne, appasangnga ri katte ngaseng terutama ia ri batanna kalengku, maemaki naki gaukangi sikuntu hikma ia niaka takkimbolong ilalang pelaksanaan pakkorobanga siagang pa’lappassanga anne, a’jari se’re benteng ilalang tallasa-katallassanna tuma’buttayya, ingakki kimangngu rangi, tutuki kia lolo’-lolo sanrapangkintu tuttete ri bannang panjai a’dongkoka ri cappa’ jarung, kilewaimi kalenta naki tahan nappasatta”, teaki anjallingi panggodana labattua.
Kammami anne pengaruna pakkalinoanga, taniassengi kalengta tanikasu’mang ri atia, pengaruna setanga pa’beso’na hawa nafsua, kitakkaluppa ammantang mattompo’ lino, lino mappasalasa, buttayya mappakajammeng, injo bonena lingka tommi ri kana tojeng.
Maemaki naki baungi daerata, kipaenteng sirika napacce, naki korobangkang sebagian barang-barangta, sitagala’ lima sirenreng naki sibeso’naki minawang rijojjo’na pammarentata, asse’remaki naki a’rappungang. appau ajjulu kana, kipanggaukang ero se’re ni borongi, battalaka ajjari ringang, bellayya ambani tommi, nasannang tommi nyawata ribarambangta. Amin ya Rabbal alamin.(AMN)